DIE DOEL VAN DIE GOLIAT VAN GAT

PAMPOENGROEI KOMPETISIE

Die primêre doel van die projek is om landbou weer onder die publiek se aandag te bring. Deur die mense weer in die grond te laat dolwe en werk glo ons dat dit hulle lewenskwaliteit sal verbeter. Ons glo ook dat die projek die waarde van die Boere van Suid Afrika as die primêre voedsel verskaffer van ons land, sal bevestig. TLU SA met sy strukture is ‘n unieke organisasie wat sy lede vergesel en ondersteun op alle vlakke van boerdery

As u deelneem weet dat u maar na een of twee pampoene kyk.

Ons Boere plant jaarliks duisende hektare om u van voedsel te voorsien Maal u probleem met u een pampoen, met duisende, dan sal u ‘n idee hê wat dit ons Boere kos om elke dag vars produkte op die rak te voorsien

__________

Die ander hoofdoel is om die hongersnood van ons mense aan te spreek. Ons het met die 2005 kompetisie, 1500kg pampoen en drie vragte bestanddele, klere en goedere aan Volkshulp 2000 www.boer.co.za/welsyn/volkshulp2000.html gegee vir hulle aksie om die nood te verlig.

Al die inskrywings word die eiendom van die Organiseerders, en die pampoene sal deur Volkshulp 2000 verwerk word en ingesluit word by die kospakkies wat aan die hulpbehoewendes uitgedeel word.

Van die pampoene sal gebruik word vir promosie werk, en instansies kan die pampoene koop en gebruik om hulle besighede te bemark Die opbrengs wat so verkry word, word weer gebruik om ander noodsaaklikhede aan te koop.

__________

Ons wil die gemeenskap meer betrokke kry by ons liefdadigheidswerk en elke deelnemer word versoek om ‘n ekstra groente soorte te plant en dit die dag van die beoordeling saam te bring sodat ons die kinders behoorlik kan help. Besoekers word ook versoek om hulle deel by te dra en die dag van die beoordeling ‘n ekstra bossie wortels of beet of ‘n ou kledingstuk saam te bring.